--------------------------------------------------------------------------------
مساء الخير جميعا..بصراحه هذي اول مشاركه لي هنا في منتدى الطبخ
وأتمنى أنها تعجبكم .....أكلتنا اليوم هي صينية الكونولوني....
المقادير:
-لفات سمبوسه سويتز
-صدور دجاج منزوعة الجلد والعظم (تقطع إلى قطع صغيره)
-بصل اخضر (تقطع إلى قطع صغيره)
-فطر طازج(مقطع)
-بهارات(فلفل اسود,نص علبة ماجي,كمون,كركم ,أجيناموتو(موجود في السوبر ماركت))
- ثوم مفروم
-بصل
- صلصة الصويا
مقادير الكريمه:
-علبة قشطه
- نص كاس جبنة كرافت
- قشطة الخفق أو ممكن نستبدلها بحليب المراعي
الطريقه:
1-نقطع صدور الدجاج إلى قطع صغيره وينقع في صلصة الصويا لمدة 10دقايق.
2-نحمس البصل لحد ماياخذ اللون الذهبي وبعد كذا نضيف الدجاج والبهارات ونتركها لمدة 10دقايق لحد مايستوي الدجاج.
3- وبعد ماتمر العشر دقايق نضيف البصل الاخضر والفطر والثوم المفروم لحمسة الدجاج
ونتركها 5دقايق عشان يستوي البصل الاخضر والفطر.
4-نشغل الفرن على درجة 250.
5-نحشي لفة السمبوسه بحمسة الدجاج و نلفها مثل السويس رول.
6-لما نخلص من حشو لفات السمبوسه نرصصها في صينية للفرن.
7-نخلط مقادير الكريمه كلها في خلاط و نصبها بعد كذا على اللفات الموجده في الصينيه.
8-ندخل الصينيه للفرن لمدة25دقيقه لحد مايصير الوجه لونه بني وبعدها نطلع الصينيه.
ملاحظه: ترى الطبق جدا سهل لايغركم طول الطريقه إللي كتبتها جربوها راح تعجبكم وفي نفس الوقت راح تدعون علي لانها تنكب الوزن
وملاحظه أخرى: يقدرون العزاب يسونها بعد ممكن تفشل في البدايه معكم بس بعدين راح تنجح
وبالهنا والعافيه..........>أنتظر رايكم يابنات وياشباب في الحلقه القادمه انشالله
الشيف: فوق السحاب
المواضيع المتشابهه
صينية الكونولوني
العرض العادي
